|
చిరుగాలులు మోసుకు వచ్చే పరిమళాలు మావేలే పరిమళాలకు సొగసుల నద్దే పనితన మంతా మాదేలే పనితన మంతా మాదేలే చక్కనితన మంతా మాదేలే వేకువ వెచ్చని లేత సూర్యునికి ఆకుపచ్చని అరచేతులతో ఆకుపచ్చని అరచేతులతో అదిమి పట్టిన అర్ఘ్యబిందువులు వదిలే వేళ చిరుచిరు గాలులు కదిలిస్తుంటే గలగలరవముల మెదిలే వందన మంత్రాలు సంధ్యావందన మంత్రాలు నిదుర లేపగా నెమ్మదిగా నిగనిగ రంగుల సొగసులతో ముదముగ రేకులు విచ్చుకొని విదిలించే పరిమళాలను పదిలముగా ప్రపంచమంతా పరచే గాలులు మావేలే లోకంనిండా చీకటి నిండి ఆకసమంతా నల్లబడి అకసమంతా నల్లబడి అదుగో తారలు జల్లబడి రాకాచంద్రుడు రాగానే లోకం అంతా తెల్లబడి లోకంలో జనులందరికీ లోలో మనసులు చల్లబడి మైకంలో మునిగే వేళ మాధుర్యాల మసిలే వేళ సౌకర్యాలు శోభలు మీర సుగంధాలను తోడుగ తెచ్చే ఆకతాయి చిరుగాలికి వాసన లలదే ఘనతలు మావేలే |
|
పువ్వులూ నవ్వులూ ఇష్టం లేని వాళ్ళుంటారా? అందుకే హాయిగా అన్నీ నవ్వుతూ మాట్లాడేసుకుందాం. సరేనా?
మంగళవారం, డిసెంబర్ 15, 2015
చిరుగాలులు మోసుకు వచ్చే పరిమళాలు మావేలే
దీనికి సబ్స్క్రయిబ్ చేయి:
కామెంట్లను పోస్ట్ చేయి (Atom)
పూవువలె విరబూయవలె.
రిప్లయితొలగించండిఅవునండీ. పూలతీగ విరబూయ టానికేగా ఉన్నదీ. సంతోషం.
తొలగించండిఇంతకీ మీ పేరేమిటో చెప్పనే లేదు సుమండీ.
అనేక ధన్యవాదాలండీ. చదివినందుకు కొన్ని, మెచ్చినందుకు మరికొన్నీఅన్నమాట.
మీ కవిత చాలా బాగుంది. ఎందుకనో, ఎక్కడో
రిప్లయితొలగించండితెలిసిన పాట వలె అనిపించింది. లేక బాణీ
అలా అనిపించి ఉండవచ్చు. మీ రచనలు
ఆహ్లాదకరంగా చదివింప చేస్తున్నాయి.
regards.
పూలన్నీ తెలిసినట్లే ఉన్నా నిత్యనూతనాలు కదండీ. ఈపాటకు మీకు తెలిసిన బాణీలో పాడుకుండుకేం భేషుగ్గా పాడుకోండి.
తొలగించండిమీకీ రచనలు నచ్చుతున్నాయికదా. పూలతీగకు ఆనందం. మీకేమో బోలెడు ధన్యవాదాలు అందుకు.